الجهاز المناعي عباره عن الجيش اللي بيواجه اي خطر يهدد الجسم وكل ما يكون الجيش ده في حالة نشاط حميد بيكون طبعا اقوي والابحاث اكتشفت الكثير من المواد اللي ممكن تقوي الجهاز المناعي وتساعد علي مواجهة اي مرض باذن الله
الزنك
من العناصر المهمه جدا لتقوية الجهاز المناعي وده طبعا حسب كلام منظمه العالميه اللي لقت ان الزنك بيقوي المناعه وبيحمي الانسان بنسبه 41% من خطر الالتهاب الرئوي و25% من الاسهال ولقيت ان نقص الزنك بيقلل من كفاءة الجهاز المناعي ومش كده بس لا ده كمان بيأثر علي وظائف حيويه كتير تانيه
وكانت منظمه الصحه العالميه قد اوصت للاطفال يوميا 10 مجم والكبار 15 مجم وحاليا بتنادي بزياده الجرعه خصوصا في الدول الناميه
اذن الزنك مهم وفيه كلام كتير وابحاث كتير اتعملت عليه طيب الزنك يوجد فى المصادر الغذائية التالية: خميرة البيرة صفار البيض السمك اللحوم بأنواعها الكبد البقول فول الصويا الدواجن السالمون والسردين الأغذية البحرية عيش الغراب بذور القرع جنين حبوب القمح، وأيضاً الحبوب الكاملة منه، ومن الأعشاب التى تحتوى على الزنك: الشطة البابونيج بذور الشمر حشيشة الدينار البقدونس المريمية وغيرها.
خلاصة الكلام الزنك مهم وانا كدكتورة بوصي اولياء الامور بيه علشان سهل اوي نلاقيه يعني صفار بيضه مش صعب
ومش بس كده الزنك ضروري جدا في حالات الاسهال لانه بيساعد علي تحسن الحاله والطفل بيخف بسرعه اوي
اذن عرفنا معلومات مهمه واللي عايز يعرف اكتر ممكن يسألني وانا اجاوب ان شاء الله في ااقرب فرصه موضوع تقوية المناعه مفتوحه للجميع
مستنيه اسئلتكم
ليست هناك تعليقات:
إرسال تعليق